lignum facile     

A vicepresidenta da Asociación de Profesores da Familia Profesional da Madeira e o Moble e docente de “Procesos e Produtos na Industria da Madeira e o Moble” no Instituto de Formación Profesional de “A Xunqueira” de Pontevedra, María Luz Lorenzo, considera que a formación é unha das ferramentas “indispensables” para a transformación do sector. Asegura que “atopámonos nun mundo no que a investigación avanza e é necesario estar ao día en canto a proteccións, tratamentos e aplicacións da madeira”.
Lorenzo forma parte dun colectivo de docentes cuxos obxectivos comúns é intercambiar experiencias, estar presentes en foros sobre a madeira, feiras, etc. e promocionar, precisamente, o coñecemento sobre o produto.
[Máis detalles...]

A conselleira de Vivenda e Solo, Teresa Táboas, anunciou, durante a gala de entrega dos Premios Nacionais de Arquitectura en Madeira, que as primeiras vivendas protexidas para estudantes do campus de Elviña na Coruña estarán feitas con este material. A titular do departamento autonómico asegurou que destinarán máis de 6 millóns de euros á posta en marcha de este complexo cuxa estructura interior estará recuberta con madeira. Deste xeito, Táboas evidencia o seu compromiso co sector e a súa proximidade cara a un material que considera de vital importancia para minimizar o impacto paisaxístico e medioambiental, ademais, de favorecer o desenvolvemento sustentable.
[Máis detalles...]

A Asociación do Profesorado de FP da Madeira destaca a calidade dos proxectos do alumnado

O grao de tecnificación dos produtos elaborados polos alumnos de Formación Profesional da familia da Madeira e o Moble do IES A Xunqueira de Pontevedra quedou de manifesto nunha exposición organizada no seo da feira de Valencia Fimma-Maderalia. Os estudantes mostraron as súas últimas creacións en mobles e aplicacións de madeira que sorprenderon polo seu deseño e calidade técnica. O IES A Xunqueira de Pontevedra acudiu en compañía doutros centros vinculados á Asociación de Profesorado de FP da rama da Madeira e o Moble, entre os que se atopaba, centros de Cantabria, Cádiz, Málaga, Madrid, Pamplona e Teruel.
[Máis detalles...]

Os alumnos da Escola Técnica Superior de Arquitectura da Coruña reciben formación acerca da aplicación da madeira na construción e nos proxectos urbanísticos. Contan con departamentos especializados nestas materias, aínda que a madeira non é un material específico. Estúdase ao mesmo nivel que outros elementos construtivos. O director da ETSAC, Xosé Manuel Casabella, non dubida da importancia deste material dadas as novas correntes arquitectónicas e o interese dos profesionais por recuperar técnicas e elementos tradicionais tratados coa tecnoloxía do momento.
Casabella considera que hai que tomar o pulso á actualidade e impulsar a Cátedra da Madeira do mesmo xeito que noutros centros da xeografía española impártese formación específica acerca doutros materiais como o cemento branco.
[Máis detalles...]

MÁIS NOTICIAS:

¿Que é Lignum Facile?

Contacto

Suscribirse

lignum facile é un servizo do Clúster da Madeira de Galicia. Vostede recibe esta comunicación debido a que o correo electrónico da súa empresa figura nun ficheiro de Lignum Facile obtido de fontes accesibles ao público, conforme ao establecido na Lei Orgánica de Protección de Datos de Carácter Persoal. Se non desexa recibir máis mensajes nosas no futuro, por favor, prema no seguinte enlace:

Desexo darme de baixa.

En cumprimento da Lei Orgánica 15/1999, do 13 de decembro, de Protección de Datos de Carácter Persoal (LOPD) informámoslle que os seus datos persoais están incluidos en ficheiros titularidade do Cluster Da Madeira De Galicia, cuxa finalidade é o desenvolvemento de accións de comunicación, e para exercitar os dereitos de acceso, rectificación, cancelación e oposición previstos na Lei pode dirixirse mediante carta ao Cluster da Madeira de Galicia Plaza Salvador García Bodaño 7, 1º A 15703 Santiago de Compostela (A Coruña).